اقتصاد
په خپلو فعالیتونو سره موږ کولای سو د صادراتو د عوایدو په زیاتوالي، د کارموندنې، د کانونو د را ایستلو په برخه کې د صنایعو په وده، د بېخ بناوو په پراختیا او د هېواد د اقتصادي پرمختګ په برخه کې فعاله او عملي مرسته وکړو.
کارموندنه
تر هغه ځایه چې د کان کیندلو او پروسس پروسه یې مسلکي او غیري مسلکي کاري ځواک ته اړتیا لري، نو دا صنعت کولای سي د کان کیندنو په ساحو او شاوخوا سیمو کې د کار فرصتونه رامینځته کړي، د اقتصادي شرایطو په ښه کولو او د سیمه ییزو اوسېدونکو د عوایدو په تأمینولو کې مرسته وکړي ترڅو ښارونو ته له کوچېدلو مخنیوی وسي.
کلیوالی سیموپراختیا
د کانونو ډیری ساحې د هېواد په کلیوالو او لږ پرمختللو سیمو کې موقعیت لري. په دغو سیمو کې د کانونو د فعالیتونو ښه والی د سیمه ییزي پراختیا، د توپیرونو په کمولو، د عایداتو په زیاتولو او په ټولیز ډول د خلکو د ژوند په کیفیت کې د بنسټیز بدلون لامل ګرځي.
د چاپیریال ساتنه
د هېواد د طبعي زیرمو په را ایستلو او ګټې اخیستنې کې، موږ تل د هېواد د چاپېريال څخه ساتنه او څارل کوو او د دې پروګرامونو ملاتړ د مخکنيو ټاکل سويو پروسيجرونو په پلي کولو سره کوو.
